सांगोला मॅरेथॉन-२०२६ रील स्पर्धेतील विजेत्यांचा आमदार डॉ. भाई बाबासाहेब देशमुख यांच्या हस्ते गौरव

सांगोला मॅरेथॉन-२०२६ रिल स्पर्धेतील विजेत्यांचा आमदार डॉ. भाई बाबासाहेब देशमुख यांच्या हस्ते गौरव

सांगोला | प्रतिनिधी

लोकप्रिय आमदार डॉ. भाई बाबासाहेब देशमुख यांच्या मार्गदर्शनाखाली डॉ. बाबासाहेब देशमुख मेडिकल फॅकल्टी, सांगोला डॉक्टर्स असोसिएशन आणि सुर्योदय परिवार यांच्या संयुक्त विद्यमाने आयोजित सांगोला मॅरेथॉन-२०२६ रील स्पर्धे मधील सहभागी स्पर्धक व विजेत्यांचा गौरव सोहळा उत्साहपूर्ण वातावरणात पार पडला.

यावेळी आमदार डॉ. भाई बाबासाहेब देशमुख, सौ.निकिताताई देशमुख, मा. डॉ. प्रभाकर माळी (चेअरमन), सुर्योदय परिवाराचे सर्वेसर्वा श्री. अनिलभाऊ इंगोले, मा. विजय राऊत, डॉ. विजय बंडगर, डॉ. संगीता पिसे, डॉ. मच्छिंद्र सोनलकर, डॉ. महेश राऊत, डॉ. संतोष पिसे, डॉ. वैभव जांगळे, डॉ. निरंजन केदार यांच्यासह अनेक मान्यवर उपस्थित होते.

स्पर्धेत उत्कृष्ट रील निर्मितीसाठी प्रथम पारितोषिक (₹५,००१) – सुशांत कोडक (एस. के. सिनेमॅटिक),द्वितीय पारितोषिक (₹३,००१) – साहिल वाघमारे (द साहिलग्राफी), तृतीय पारितोषिक (₹२,००१) – आर्यन लीपारे (झिरो सिनेमॅटिक) विजेत्यांना रोख रक्कम पारितोषिक, सन्मानचिन्ह, प्रमाणपत्र आणि गुलाबपुष्प देऊन गौरविण्यात आले.

तसेच सिनेमॅटोग्राफर श्री. मकरंद भोरे, उमर बागवान आणि श्री. निलेश लोखंडे यांचा विशेष सत्कार करण्यात आला.कार्यक्रमाचे सुत्रसंचालन इरशाद बागवान यांनी प्रभावीपणे केले.यावेळी उपस्थित मान्यवरांनी सांगोला मॅरेथॉन-२०२६ च्या यशस्वी आयोजनाबद्दल समाधान व्यक्त करत, सामाजिक उपक्रमांना तरुणांचा मिळालेला उत्स्फूर्त प्रतिसाद कौतुकास्पद असल्याचे सांगितले. रील स्पर्धेमुळे सांगोला मॅरेथॉनचा संदेश मोठ्या प्रमाणात जनतेपर्यंत पोहोचला असून, अशा नाविन्यपूर्ण उपक्रमांमुळे क्रीडा, आरोग्य आणि सामाजिक जनजागृतीला निश्चितच चालना मिळेल, असा विश्वासही आ. डॉ बाबासाहेब देशमुख यांनी व्यक्त केला.